მცირე სარეაბილიტაციო სამუშაო ქვეყნის მასშტაბით 640 სკოლას ჩაუტარდა
25 ოქტომბერი 2019რეგიონული განვითარებისა და ინფრასტრუქტურის მინისტრის მოადგილემ ილია ბეგიაშვილმა პარლამენტის რეგიონული პოლიტიკისა და თვითმმართველობის კომიტეტს დღეს საჯარო სკოლების და სკოლამდელი აღზრდის დაწესებულებების ინფრასტრუქტურის მშენებლობა-რეაბილიტაციის მიმართულებით წელს არსებული მდგომარეობა და სამომავლო გეგმები გააცნო.
ბეგიაშვილის ინფორმაციით, საქართველოს მთავრობის განკარგულებით, მუნიციპალიტეტებისათვის წელს 40 მლნ ლარამდე გამოიყო და ეს თანხა ქვეყნის მასშტაბით 640 სკოლის მცირე სარეაბილიოტაციო სამუშაოს მოხმარდა. ზაფხულის განმავლობაში, არდადეგების დროს, დასრულდა ძირითადი სამუშაოები - მოეწყო სველი წერტილები, გათბობის სისტემები, ელექტროგაყვანილობა, მინი მოედნები, შეიცვალა კარ-ფანჯრები და რეაბილიტაცია ჩაუტარდა სპორტ-დარბაზებს.
